Igandeko ospakizunaren laburpena

Euskaraldia 2018-11-20

Igande goizean ekitaldi ezberdinak eta parte hartze handia izan zen Urnietan, Euskaraldiaren atarian. Bideoa goiz osoko jardueren laburpena da.

[Bideoa]

Bizikidetza eta Memoria jardunaldien azken saioa

URNIETA 2018-11-19

Asteartean, azaroaren 20an, emango zaie amaiera Bizikideta eta Memoria jardunaldiei "world cafe" batekin, hots, taldetan bildu eta gai baten inguruan hausnartuko da. Hona galderak: Zer da zuretzat bizikidetza? Eta memoria? Zer egin dezakegu herritarrok bizikidetzaren alde?. Lekaio Kultur Etxean izango da, 19:00etan.

Pintxo afari-merienda eta trikiti gaua izan ziren atzo Adunan

ADUNA 2018-11-18

Oilaskoa, hamburgesa eta txorizoa izan zuten atzo afari-meriendarako adunatarrek, baita sagardoa ere. Hori guztia trikitilarien konpainian, hala nola Izer eta Alabier; Julen Alonso eta Eneritz Aulestia; Kris, Maixa eta Irati; eta Leire, Eider eta Maider.

[Argazkiak]

Euskaraldirako ahoak eta belarriak prestatzen ari dira

Euskaraldia 2018-11-17

11:00etan abiatu dira kalejiran Euskaraldiako hamaikakoak Esteberen kamioian, ikastolako trikitilarien konpainian. Goiko plazara iristean ahobizi eta belarriprest txapak banatzen hasi dira, eta ondoren argazki familiarra atera dute.

[Argazkiak]    [Bideoa]

Urrezko Aizkolarien kanporaketa

ZIZURKIL 2018-11-19

Intxaur pilotalekuak ekitaldi garrantzitsua hartu zuen atzo eguerdian. Urrezko Aizkolarien kanporaketan, Jon Irazu herritarra eta Xabier Orbegozo, Arria V.a nor baino nor aritu ziren. Alde txikiarekin, Arria V.ak lortu zuen txapelketan aurrera egiteko txartela. Gabonetako Harri-jasotze txapelketan, Josetxo Urrutia eta Jon Gisasola 'Zelai' aritu ziren norgehiakoan. Azken honek lortu zuen garaipena. Itsaso Onsalo eta Leire Astiazarenen trontza erakustaldiak borobildu zuen goiza.

[Argazkiak]    [Bideoa]
 

V. Pello Mari Otaño bertso-paper lehiaketak baditu sarituak

ZIZURKIL 2018-11-18

 Harituz Tolosaldeko Bertsozale Taldeak eta Zizurkilgo Teodoro Hernandorena Kultura Elkarteak, V.Pello Mari Otaño bertso-paper lehiaketako irabazleak saritu zituen atzo Zizurkilgo Iriarte kultur etxean.

[Argazkiak] Sailkapena:

Euskaraldia iristear da Urnietara

Euskaraldia 2018-11-18

Ospakizun jendetsua igande eguerdian San Juan plazan, Euskaraldiaren harira. Ehunka herrikidek bat egin dute ekimenarekin eta horietako asko gaurko atariko festara hurbildu dira. Dantza, bertsoa, pintxoak... osagai ugari izan dira Ahobizi eta Belarriprest arituko direnentzat.

[Argazkiak]

Bideoak
  • III. Auto slaloma Urnietan: BMW 325i

  • III. Auto slaloma Urnietan: BMW 330i

  • RAKS 2018 Sariketa ekitaldia