"Musua" ikuskizun berriena Basteron eskainiko dute

ANDOAIN 2019-01-19

Pirritx, Porrotx eta Marimotots pailazoek bi saio eskainiko dituzte Andoainen, urtarrilaren 26an. Bi saioetarako azken sarrerak salgai daude Basteron bertan eta Kutxabank-en salmenta gunean.

100 familia behar dira udan haur errefuxiatu sahararrak harreran hartzeko

ESKUALDEA 2019-01-18

Badira 30 urte baino gehiago euskal familiek, udako hilabeteetan, haur sahararrak euren etxeetan jasotzen dituztela. 2018ko udan 316 neska eta mutil saharar etorri ziren Euskadira, eta, aurten, beste horrenbeste etortzea nahi da. Horretarako, gutxienez, 100 familia gehiago beharko dira.

[BABESTUTAKO EDUKIA]

Mikel Berraondo pilota erakuslea asteazkenean hil zen

ANDOAIN 2019-01-18

Andoainen zesta puntaren alde lan nekaezina burutu zuen Mikel Berraondo Lamarain asteazkenean hil zen Donostian, 93 urte zituela. Juana Garmendiarekin ezkonduta zegoen, eta bi semeren aita zen: Iñaki eta Nestor.

Aiurri-ri 2010eko ekainean eskaini zizkion adierazpenak: Elkarrizketa

Dardokako bi talde estatu mailako txapelketan ariko dira

URNIETA 2019-01-19

Urnietako dardozaleak Caceres aldera doaz, Fede txapelketan parte hartzera. Elkarteko 2 taldek estatu mailako txapelketa ezagunean arituko dira, eta han irabaztea zer den jakin badakite. 

Nolako buruhandiak nahi dituzu aurtengo Santio jaietarako?

AMASA-VILLABONA 2019-01-18

4 buruhandi berriren aukeraketan parte-hartzeko aukera zabaldu du Amasa-Villabonako Udaleko kultur sailak. Santio jaiekin zerikusia duten pertsonaiak izan behar dira, izen eta abizenik gabeak. Otsailaren 18 arte bidali daitezke proposamenak buruhandiak@villabona.eus helbidera. Ekimena Amasa eta Villabona herri gisa batu zireneko 400. urteurreneko ospakizunen barruan sartzen da.

Udalaren informazio karpa, zabalik asteburuan

URNIETA 2019-01-18

Urnietako Udalak 2019rako hamar milioi euroko aurrekontua onartu berri du, eta herritarrek 150.000 euroko partida zertan inbertitzeko edo gastatzeko aukera izango dute. Informazio karpa zabalik izango da ostiral eta larunbat honetan.

Giro ederra ipuin kontaketan

MINTZALAGUNA 2019-01-17

Andoaingo Mintzalagunak antolatuta, ipuin kontaketa izan zen atzo Bastero kulturgunean, arratsaldeko 17:30ean. Saiora jende mordoxka hurbildu zen, guraso zein haur, eta giro ederrean entzun zituzten Leire Zinkunegi kontalariaren ipuinak.

Bideoak
  • Asteasu | Gabonetako herri kirolen finala

  • Errege kabalgata Amasa Villabonan

  • Pala txapelketako finala Asteasun