Argazki zaharren erakusketa ikusgai Zizurkilgo jaietan

Andramariak 2018 2018-08-16

Hernandorena Kultur Elkarteak 10.000 argazki inguru bildu ditu Zizurkilgo baserrien, ermiten eta paisaien irudiekin. Bertako kide den Joxin Azkuek zenbait argazki aukeratu eta horiei buruz hitz egin digu. Adineko jendearentzako urteetan atzera bidaia polita izan daitekeela ziurtatu du Azkuek. Festa guztietan egongo da ikusgai, baita Elbarrenako jaietan ere.

[Bideoa]

Trialeko bizikleten erakustaldi ikusgarria Zizurkilen

Andramariak 2018 2018-08-14

Bike Show Trial erakustaldia izan da arratsaldean Zizurkil Goiko jaien lehen egunean. Ikusleek nerbioak dantzan eduki dituzte, eta zer esanik ez bizikletaren azpian jartzera ausartu direnek. Erakustaldia amaitutakoan, bizikletak probatzeko aukera egon da.

[Argazkiak]

“Jaietako lehen eguna izanda, gogotsu egoten gara herri afarian”

ZIZURKIL 2018-08-13

Jai Batzordeko kide dira Judith Perez Kortajarena eta Xabier Pellejero. Aurtengo Amabirjin jaiek ekarriko dutena azaldu dute.

Elkarrizketa eta egitaraua:

Giza dorre ikusgarriak, Falcons de Vilafrancaren eskutik

Andramariak 2018 2018-08-15

Kataluniarrek itxura ezberdineko dorreak osatu dituzten euren gorputzak erabiliz. Helduenak behean zeuden bitartean, dorrearen oinarri sendo gisa, txikienak goruntz igo dira izugarrizko abilezia erakutsiz. Amaieran ikurriña eta estelada ipini dituzte dorrearen puntan ikusleen zaparrada beroa jasoaz.

[Argazkiak]   

[Bideoak: Giza dorrea 1 | Giza dorrea 2 | Giza dorrea 3]

Morez jantzi da Zizurkil jaietan

Andramariak 2018 2018-08-14

Xabier Pellejerok jaurti du aurtengoan txupina, eta bere mezua emakumeenganako portaera txukuna edukitzearen aldekoa izan da. Ondoren, oilasko biltzaileekin batera argazkirako prestatu dira herritarrak "Erasorik ez" lemapean. Barreak eta giro ona ez dira falta izan jaien hasieran.

[Argazkiak]

102 urte bete ditu Emiliana Herrerak

ZIZURKIL 2018-07-23

Fraisoro Egoitzako lagunekin eta familiarekin ospatu zuen bere urtebetzea Herrerak ostiralean. Lagunek bizkotxoa egin zioten eta saxofoiaren doinuaren laguntzaz zorionak abestia kantatu zioten. Zorionak!!!

[Argazkiak]    [Bideoa]