Urteko gaurik motzenean, bete dute ohitura

ZIZURKIL 2018-06-24

Bailarako su ezberdinak kalejiran bisitatuz ekin diote iluntzeko jai giroari Zizurkilgo Elbarrenan. San Juan zortzikoa, fandango eta arin-arina dantzatu dute su bakoitzaren aurrean eta trikiti doinuekin alaitu dute kalejira. Futbol zelaiaren atzealdeko aparkalekuan piztu dute su nagusia, eta plazan dantzatuz amaitu dute San Juan bezperako gaua.

Argazkiak

Olentzora doan errepidea itxiko dute, lanak egiteko

ZIZURKIL 2018-06-21

Gipuzkoako Foru Aldundiak egin behar dituen lanak direla eta, P.M. Otaño plazatik Olentzoko bidegurutzera doan errepidea (GI-3281) itxita egongo da bi norabidetan ondorengo egun eta orduetan:

  • Ekainak 22, ostirala 09:00etatik 12:00etara.
  • Ekainak 25eko  12:00etatik ekainak 27ko 12:00ak arte.

Saltoki eta tabernetako euskaraldia

ZIZURKIL 2018-06-21

Ekainaren 11tik 15era bitartean, txartelak banatzen aritu dira Zizurkilgo tabernari eta merkatariak, euskaraz erostera joan diren bezeroei, zozketa batean parte hartzeko aukera izan zezaten. Asteartean egin zuten zozketa.

Bailara eta baserrien izenak berreskuratu dituzte

ZIZURKIL 2018-06-23

Zizurkilgo baserriek ehunka urteko historia gordetzen dute. Baserri horien izenek, ordea, ez zuten ofizialtasunik. Berreskuraketa lana egin berri dute.

Zizurkilen ere piztuko da San Juan sua

ZIZURKIL 2018-06-21

San Juan suak Aiztondo bailarako kaleak hartuko ditu eta Zizurkilen ere herrian egingo dituzten su ezberdinez, dantzaz eta txokolatadaz gozatzeko aukera izango da.  

Egitaraua:

Josu Narbarteren hitzaldia, bihar Iriarten

ZIZURKIL 2018-06-19

Josu Narbarte arkeologoa egunotan zundaketak egiten ari da Zizurkilgo hainbat baserri ingurutan. Bihar, ekainak 20, asteazkena, 20:00etan, Zizurkilgo Iriarte kultur etxean emango duen hitzaldian, egiten ari den lana azaltzeaz gain Zizurkilgo baserrien banaketaren inguruko azalpenak emango ditu.