Autoen slaloma ospatuko da igandean Urnietan

URNIETA 2018-10-22

Xoxoka Motor Kirol Klubak, Udalaren laguntzarekin, autoen slaloma antolatu du iganderako Erratzu industrialdean, Esnelat enpresaren aurreko aparkalekuan. 09:00etatik 10:00etara epaileek egiaztapenak egingo dituzte, eta 10:30etan hasiko dira probak. Ondorioz, ezingo dira autoak eta kamioiak aparkatu bertan urriaren 27ko 15:30etatik urriaren 29ko 09:00etara.

Kultur ekitaldiz beteriko asteburua aurretik

URNIETA 2018-10-19

Ipuin kontaketa saioa, antzerkia, kontzertua eta bisitaldi gidatua iragarrita daude asteburu honetarako.

Asier Nieblaren hilketa gaitzesteko elkarretaratzea deitu dute larunbat honetarako

URNIETA 2018-10-18

Urriaren 20an izango da San Juan plazan, eguerdiko 12:00tan hasita, Urnietako Udalak eta Asier Niebla Martinezen familiak elkarrekin antolatuta.

Udalaren oharra:

Euriari irribarre egin zioten xoxokarrek jaien azken egunean

Xoxokako Jaiak 2018 2018-10-15

Auzoko gazteek herri kirol saio ederra eskaini zuten. Sagarrak biltzen, lokotxak biltzen, txingan, korrika... proba ugari burutu zituzten. Aurtengo proba berria sagar azalak atoian sartzean zatzan, lehenago biltzen zuen bikotea irabazle. Barreak ez ziren falta izan proba horretan. Amaitzeko, sagardo dastaketa egin zuten.

[Argazkiak: Herri kirolak | Sagardo dastaketa]

Ospakizun ugari asteburu osoan

Xoxokako Jaiak 2018 2018-10-13

Mus txapelketa, puzgarriak, betizu jatea eta gaupasa larunbat honetan. Igandean, berriz, gazteen arteko erakustaldi berria eta sagardo dastaketa.

Asier Niebla gogoan hartu dute

URNIETA 2018-10-20

Elkarretaratzearen amaieran, senideen izenean Asier Nieblaren koinatuak adierazpena irakurri du. Honakoa hasiera: “Guretzat gaurkoa, egun tristea da, azken egunak bezala zentzugabekeriaren aurkako borroka gogoangarri baten ondoren, gaurkoa da hausnarketak gogorren kolpatzen gaituen eguna”. Justizia egitea eskatu dute, ez mendekua: “Justizia nahi dugu eta horrek galdutakoa itzuliko ez badigu ere, kasu hauetarako zigor gogorragoak eskatu nahi ditugu. Inork ez dezala gehiago, inoiz, guk une honetan dugun mina sentitu”.

[Bideoa: Senideen adierazpen osoa]

[Argazkiak]

Desafioa, gogoangarria

URNIETA 2018-10-19

Urtzi eta Beñat Telleria anaiek estu hartu bazituzten ere, Suharri Irazustabarrenak eta Julen Gabirondok irabazi zuten Xoxokako jaietako desafio handia. Sekulako ikusmina piztuta, gainera. Jendetza hurbildu baitzen hiru probak bertatik bertara ikustera.

[Bideoa]

Euskaraldiako hamaikakoa aurkeztu dute Xoxokako jaietan

Euskaraldia 2018-10-15

EUSKARALDIA. 11 hizki horietako bakoitza errepresentatzen dutenak aurkeztu zituzten atzo Xoxokako jaien azken egunean. Honakoa aldarrikatu zuten: "Xoxokako andre eta gizon guztiak gonbidatu nahi zaituztegu euskaraldian parte hartzera, bihar ere Urnieta euskaraz bizi den herria dela esan dezagun eta esan dezaten".

[Argazkiak]