Postontzia

2019-01-31

Gara eta lan-taldearekin elkartasuna

TOKIKOM euskarazko toki komunikabideen elkarteak bat egin du Gara egunkariarekin eta hango lankideekin. Aiurri hedabideak TOKIKOM elkarteko kide da.

Adierazpena:

2019-01-30

Lapurreta bat eta eraso bat prentsa askatasunari

Gaur hogei urte betetzen dira GARA sortu zela. “Egin” itxi eta bi hamarkada geroago eta Baltasar Garzon gure egunkariarekin gauza bera egiten saiatu eta 15 urtera, hain zuzen berak ilegalki itxitako egunkariaren zorra guri leporatuz, gaur iragarri behar dugu aurreakordio batera iritsi garela Gizarte Segurantzarekin. Horrela, beraz, erresistentzia aro bati amaiera ematen diogu.

2019-01-30

Esan baietz adostasunari

Jendarteak ez du onartzen Donostiako (Zubieta) erraustegia martxan jartzeak osasunean eta ingurugiroan sortzen duen arriskua.

2019-01-30

Manuel Larramendiren heriotzaren urteurrena

Urtarrilaren 29an 253 urte bete ziren Manuel Garagorri eta Larramendi, Aita Larramendi euskaldun gehienentzat, Loiolako Santutegian hil zena. 

2019-01-25

Santa Agedako kantu erronda

Azken hogeita sei urteetan bezala, aurten ere Manuel Larramendi Kultur Bazkunak otsailaren 4an Santa Ageda bezperako erronda antolatuko du, herriko beste elkarte, ikastetxe eta talderen partaidetzarekin. Andoaingo kaleetan barrena itzulia egingo duen erronda arratsaldeko seietan irtengo da (18:00) Larramendi Bazkunaren Dr. Huizi kaleko egoitzaren paretik, behin bertako mastan Santa Ageda eguna Euskal Herriko eguna dela gogorarazten duen ikurriña lau haizeetara ipini ondoren.

2019-01-17

Goi-tentsioko lineetan hildako hegazti kopurua gutxitzeko hitzarmena oso atzeratuta dator eta eskasegia da

Goi-tentsioko lineak egokitzeko eta horrela horietan hildako hegazti kopurua gutxitzeko Iberdrolak eta Eusko Jaurlaritzaren Ingurumen Sailak izenpetu duten hitzarmena atzeratuta dator eta eskasegia da.

2018-12-19

Iñistorrak aurten ez du Santomas egunik antolatuko

Iñistorra Euskaltzaleen Biltzarrak aditzera eman duenez aurten, abenduaren 21ean, ez du Santomas eguneko jairik antolatuko Urnietako San Juan plazan.

2018-12-19

Gora Kaletxiki txaranga

Azken 15 urte hauetan andoaindarrak ohitu egin dira herriko txarangaren melodia alaiak entzutera. Aurten 23 aldiz atera gara Andoaingo kaleak alaitzera, zein kontzertuak eskaintzera edo eta Basteron jaialdi handi bat antolatu eta oinarri musikala ematera. 

2018-12-13

Andoaingo Euskaraldiaren eskertza

Hilabete batzuk lehenago jomuga jarrita geneukan azaroaren 23a iritsi eta euskaraz hitz egiteko edota euskaraz ulertzen dugula esateko garaia iritsi da. Eta iritsi ez ezik, iritsi ordurako 11 egunak azkar pasa zaizkigu. Gauzak horrela, txapa jantzita jarraitzea erabaki dugun/ten asko ikusten da oraindik kalean. Berokia aldatzean txapa berriz janztea zenbaitetan ahaztu bazaigu ere, hainbeste herritar txapa jantzita ikustea zoragarria izan da.

2018-12-04

Zorionak: Euskaraldiak batu egin gaitu

Amaitu da Euskaraldia, 11 egun euskaraz ariketa soziala. Euskaraldiaren biharamunean gaude eta bateren batzuk ajea ere izango duzue akaso.

2018-12-03

Olano entzun herriak zer nahi dun

Errauskailuaren kontra egindako azken manifestazioan, milaka pertsonek horixe oihukatu genuen, bai. 10.000 pertsona inguruk bai, nahiz eta zure Ingurumeneko diputatua den Asensiorentzako oso gutxi izan protestan ateratzen garenak.

2018-11-19

ESCIVIk lanean onartu du kaleratutako langilea

Andoaingo Zine eta Bideo Eskolak, kaleratu ondoren, lanean onartu behar izan du langileen ordezkariaren emaztea.

2018-10-25

Etorkizuna eraikitzen ari omen dira...

Olanok eta Asensiok, hedabide batzuen laguntzarekin (El Diario Vasco, Noticias de Gipuzkoa eta EITB) klima aldaketaren kontra lan egingo dutela diote. “La valorización energética contribuye a frenar el cambio climático” zioen Foru Aldundiko Ingurumen diputatu den Jose Ignacio Asensiok El Diario Vasco egunkarian.

2018-10-19

Sanmieletako gertakizunak

Denok dakigu festen helburua ongi pasatzea dela, herrian egiten diren jardueratan parte hartuz eta giro sano eta lagunkoiaz gozatuz. Ez da ba hori nire bi lagunei gertatu zaiena, joan den irailaren 28an txosnagunean zeuden kontzertu bat ikusten eta taldeak eszenatokira igotzera gonbidatu zuen hauetako bat, eszenatokian txorakeriaren bat esan eta jaitsi zenean, lau neska hurbildu zitzaizkion eta haietako batek ukabilkada bat eman zion. Beste laguna gerturatu zen, zer gertatzen ari zen jakiteko eta momentu horretan eszenatokitik oihuka hasi ziren: “Erasotzaileak kanpora”.

2018-10-19

Azarotik aurrera emaitza onen bila

Aurreko asteazkenean –urriak 10– EH Bilduren Udal gobernuak, Ganemos eta Irabaziko zinegotziek eta Tolosaldeko Mankomunitateko lehendakariak Andoain osoan errefusarentzako edukiontzi gris txipdunaren ezarpena aurkeztu zuten Sorabillan, edukiontzi hori proba pilotu moduan ezarri den auzoetako batean, Alejandro Calonge eta Olagainekin batera.

Iritzi emaile gehiago

--include('_includes._eskZut')