Malen Morandeira Bera Berako eskubaloi jokalaria3

URNIETA 2019-02-17

Urnietarrak Bera Bera eskubaloi taldearekin egin du debuta, 16 urte eskasekin. Oinak lurrean, ikasketak ditu lehentasun, baina oso argi du elitera iristen ahaleginduko dela.

Elkarrizketa:

Andoaingo Gudua egin edo ez erabakitzeko bilera deitu du Bazkunak2

ANDOAIN 2019-02-17

2017an antzeztu zen azkenekoz, eta hirugarrengoz, Andoaingo gudua herriko kaleetan barrena, arrakasta handiz. Nolanahi ere, ordukoaren balorazioa egiteko garaian antolatzaileek adierazi zuten zail ikusten zutela hurrengorik antolatu ahal izatea, behar beste baliabiderik ez zutelako.

Kaldereroen etorrera prestatzeko entsegua1

ANDOAIN 2019-02-17

Andoaingo Kaldereroen antolaketa taldeak datorren asteazkenerako (otsailak 20) entsegua deitu du. 19:00tan izango da Berrozpe ikastetxean. Kaldereroak Ontza elkartetik abiatuko dira hurrengo larunbatean (otailaren 23). Arratsaldeko 17:00tan izango da irteera, eta kanpaldia 18:00ak aldera ipiniko dute Goikoplazan.

Puska biltzea Buruntza auzunean6

ANDOAIN 2019-02-16

Neguko ospakizuna goiz giro ederrean egiten ari dira Axeri dantzako kideak. Aurtengoan, Buruntza auzunean. Irudiak Goiargi etxean aterata daude, Larramendi eta Upategi baserrietatik igaro ondoren.

Greba feministaren mezua zabaltzeko sentsibilizazio kanpaina5

ANDOAIN 2019-02-16

Andoaingo Juanita Alkain plazatxoan eta Goikoplazan postu bana ipini dute, datorren martxoaren 8ko greba deialdiaren berri emateko. Andoaingo Asanblada feminista eta Euskal Herriko eragile ugari lan eta lan ari dira aste hauetan, grebaren arrakasta ahalik eta handiena izan dadin.

Pianon Jaialdiko lehen sari banaketa4

ANDOAIN 2019-02-16

Andoaingo 14. Piano Jaialdia martxan da eta baita gaztetxoenen sari banaketak ere. Gaur eguerdian 01, 02, 03, 04, 05, 06 mailako gaztetxoenak saritu dituzte brontzezko, zilarrezko eta urrezko medailekin eta baita aipamen bereziarekin ere.

Hala ere, Sari banaketak hasi baino ez dira egin eta arratsaldean ere sari gehiago banatuko dituzte Bastero Kulturgunean.

[Informazioa] [Argazkiak]

Loatzo Musika Eskola Kataluniara joan da elkartrukean9

ESKUALDEA 2019-02-15

50 ikasle eta irakasle inguru elkartrukea egitera joan dira Kataluniako Vilafranca del Penedes herrira. Atzo goizeko 11ak aldera abiatu ziren igandera arte. Gaur herria bisitatu dute eta bertako irratian elkarrizketa egin diete. Ondoren, Castellers-ekin tailerra eduki dute eta 19:00etan kalejira erraldoia egingo dute. Maiatzean kataluniarrak etorriko dira Euskal Herrira.

"Tito" dokumentala aurkeztu dute gaur Adunan8

ADUNA 2019-02-15

Yago Mateok zuzendutako dokumentala da "Tito" eta Unesco Etxearen lehiaketa irabazi du. Adunako herri eskolako zuzendaria den Itsaso Novalek egin ditu aurkezpen lanak. Udan Saharako kanpamenduetan egon zen, eta han ikusitakoa eta bizitakoa azaldu du Adunako Udaleko kultur aretoan.

Asier Kidam magoa Urnietan7

URNIETA 2019-02-15

Asier Kidam magoak zur eta lur utzi ditu Urnietan izan duen ikuskizunera gerturatu diren haur zein gurasoak.  Haurren minbizearen eta gaixotasun arraroen ikerkuntzaren alde egin dute ikuskizuna eta lepo bete da Sarobe aretoa. Ondoren gainera txokolatada izan dute plazan.

[Argazkiak] [Bideoa]

 

 

Piano Jaialdia hastera doa15

ANDOAIN 2019-02-14

Andoaingo Piano Jaialdia Euskal Herriko musika eskola askorentzat mugarria da, ilusio eta mimo handiz prestatzen dutena. Ikasturtearen erdialdera kokatuta, haur eta gaztetxoari helburu lorgarria eskaintzen zaie: taula gainera igo eta jendaurrean pianoa jotzea

 

Matilde gogoan14

ANDOAIN 2019-02-14

Matilde Arribillaga Olasagasti 1994ko otsailaren 18an istripuz hil zen, Gasteizera euskal presoen aldeko elkarretaratze batera zihoala. Larunbat honetan gogoan hartuko dute Espigoian, eguerdiko 12:00etatik aurrera

 

Azore uharteetan barrena egindako bidaia13

URNIETA 2019-02-14

Urnietako Udalak bigarren aldiz antolatu du Diaporama lehiaketa. Aurtengo finalistak elkarren artean oso ezberdinak dira: Amsterdam, Tailandia eta Azore uharteak. Manex Alday izango da lehena, uharteei buruzko diaporama eskainiko baitu ostiral honetan.

Loatzoko piano ikasleak Andoaingo Piano Jaialdian hartuko dute parte12

ESKUALDEA 2019-02-14

Loatzo Musika Eskolako 11 piano ikaslek hartuko dute parte Andoaingo XIV. Piano Jaialdian, tartean Adunako eta Villabonako ikasleak. Eskolatik adierazi dutenez, "urduri daude, baina jaialdian parte-hartzeko ilusioz".

Sacem zubiko birmoldaketa lanak martxoa amaieran edo apirila hasieran hasiko dira11

AMASA-VILLABONA 2019-02-14

Oinezkoen eta trafikoen bidea banatuta egongo da zubiko birmoldaketa lanak egin ostean. Alde bakoitzean Corten altzairuzko egitura erantsiko zaio, eta egungo 5,6 metrotako zabalerari 80 zentrimeto gehituko zaizkio alde banatan. Ibilgailuentzat 3,5 metroko zabalerako galtzada lortuko da, eta oinezkoentzat 2 metrokoa barandarekin, Led argiekin argituta.

Jabekuntza eskolako ikastaroak aurkeztu dituzte10

ANDOAIN 2019-02-14

Batukada feminista, sendabelarrak, denboraren kudeaketa, menopausiaren argiak eta itzalak, mendi orientazioa, teoria feminista, ekonomia feminista eta autodefentsa tailerra. Horietxek dira hurrengo aste eta hilabeteetan abian jarriko diren ikastaroak, Jabekuntza Eskolak antolatuta. Horiei jatorri anitzetako emakumeen elkargune multikultura erantsi behar zaie.