San Pedro jaiak ekainaren 27tik 30era ospatuko dira Asteasun39

ASTEASU 2019-02-07

Hasiak dira asteasuarrak San Pedro jaiak antolatzen. Kuadrilla eguna ekainaren 28an ospatuko da eta herri afaria ekainaren 29an. Kontzertu nagusia larunbatean mantenduko da, eta gaueko autobus zerbitzu berezia eskaintzea aurreikusten da. Bigarren bilera otsailaren 26an izango da udalean, 19:30ean.
 

Santa-eske berezia ospatzen ari dira Asteasun51

ASTEASU 2019-02-04

Bi taldetan banatuta baserriz baserri ari dira koplatan. Alde batetik, Maialen Lujanbio eta Haritz Mujika Erreka Bailarako baserrietara joan dira; bestetik, Aitor Sarriegi eta Oihana Iguaran Elizmendira igo dira. Tarteka gaztetxoak ere animatu dira bertsolariekin koplaren bat edo beste abestera.

[Argazkiak]

[Bideoa: Lujanbio eta Mujika | Lujanbio eta Mujika 2 |
Sarriegi eta Iguaran | Sarriegi eta Iguaran 2]

Santa-eske bereziarekin hasiko da Pello Errotaren mendeurreko ospakizuna76

ASTEASU 2019-01-30

Otsailaren 3an beteko dira 100 urte Pello Errota hil zela. Bere heriotzaren mendeurrena ospatzeko ekitaldi sorta zabala aurkeztu dute otsailaren 4tik hasi eta udazkenera bitartean. Helburua Asteasuko ondarearen balioa aitortzea eta nortasuna sendotzea da. Ekitaldien aurkezpenaz gain, Pello Errota eskolak Udalarekin batera eginiko Pello Errotari buruz unitate didaktikoa aurkeztu du.

[Bideoa]

Egitaraua:

Pello Errota, Txirrita eta belaunaldi hartako bertsolarien aldarria91

ASTEASU 2019-01-27

XX. mende hasierako bertsolarien eta bertsolaritzaren aldarria egin zuen Koldo Izagirre idazleak, joan zen abenduaren 14an Asteasun eskaini zuen hitzaldian. Idazleak jarduna amaitu ondoren, Haritz Mujika eta Amaia Agirre bertsotan aritu ziren.

Errefuxaren eta organikoaren edukiontziak asteartean itxiko dira86

ASTEASU 2019-01-25

Errefuxarentzako eta organikoarentzako edukiontzi berriak ipintzen ari da Asteasuko Udala. Horiek irekitzeko txartela erabili beharko da asteartetik aurrera, ordura arte irekita mantenduko dira. Txartela Kale Nagusiko 6. zenbakian kokatutako bulegoan eskuratu behar da, astelehenetik ostiralera.

Asteasuko festak antolatzeko bilera deitu du jai batzordeak107

ASTEASU 2019-01-24

Urtarrilaren 29rako bilera deitu du Asteasuko jai batzordeak herriko festak antolatzen hasteko. Honako gaiak jorratuko dira: kuadrila eguna zein egunetan ospatu nahi den, zein kontzertu nahi diren edota umeentzat zein ekintza antolatuko diren. Bilera udalean izango da, 19:30ean.

Haritz Mujikak irabazi du Mikel Laboa gazte sariketa145

ASTEASU 2019-01-14

Bertsolari Gazteen VIII. edizioa ospatu zen igandean Donostiako Kafe Antzokian, eta Haritz Mujika asteasuarra izan da garaile. Aurtengo edizioak Mikel Laboaren heriotzaren 10. urteurrenarekin egiten du bat, eta sei bertsolariek Labora ekarri zuten gogora beren agurreko bertsoan.

Zaldi gainean iritsi dira erregeak Asteasura170

ASTEASU 2019-01-05

Elizmenditik ilunpetan eta zaldi gainean jaitsi dira erregeak Asteasura. Herritarrak zain zituzten Usarrabi frontoian, eta txikienek dantza saioa eskaini ostean erregeek opariak banatu dizkiete.

[Argazkiak]

Esku-pilota eta pala txapelketen finalak jokatu dira Usarrabin172

ASTEASU 2019-01-04

Gaztetxoenek eman diote hasiera esku-pilota txapelketako finalari, ikusleei partidu ederra eskainiaz. Nesken pala txapelketan bi final ospatu dira bi mailatan. Helduena izan da jokatu den azken partida eta zenbait tanto eder eskaini dituzte.

[Argazkiak]    [Bideoak: Pala | Esku-pilota]

Emaitzak:

Kirola eta ikus-entzunezkoak ikusgai hurrengo egunetan Asteasun182

ASTEASU 2019-01-02

"Marko Makako eta Karibeko primateak" filma ikusi eta ondoren meriendatzeko tartea izango da gaur ikus-entzunezkoen aretoan. Bihar Aiztondoko Udal ordezkariek El Salvadorrera eginiko bidaiaren hitzaldia entzuteko aukera egongo da eta ostiralean haur eta helduen esku-pilota eta pala txapelketako finalak ospatuko dira.

Egitaraua:

Ingude, aizkora eta harri jasotze finala Asteasun184

ASTEASU 2018-12-31

Giro paregabea sortu da gaur Asteasuko pilotalekuan, jokatu den gabonetako Ingude, aizkora eta harri jasotze finala dela eta. Mikel Larrañaga azpeitiarra izan da garaile aizkoran, Inar Urruzuno ondarrutarra garaile harria jasotzen eta Birginia Finol iruñarra garaile ingudean.

[Argazkiak] [Bideoa]

Herri kirol jaialdia Asteasun190

ASTEASU 2018-12-30

Abenduaren 23ko finalen ondoren, herri kirolek berriro ere garrantzia hartuko dute Asteasun. Abenduaren 31n, 17:00tan hasita, hiru final jokatuko dira: harri jasotzaileena, aizkolariena eta nesken mailako ingudeena. Hauexek hiru kirol jardueretako finalistak: 

Olentzero eta Mari Domingi Asteasun215

ASTEASU 2018-12-24

Herrian zehar gabon kantuak kantatu ondoren, pozez etorri dira Olentzero eta Mari Domingi Asteasuko pilotalekura

[Argazkiak]

Asier Martinez izan da lehena herri kros solidarioan221

ASTEASU 2018-12-23

Guztira 169 korrikalarik hartu dute parte aurtengo herri kros solidarioan. Biltzen den dirua El Salvadorreko Segundo Montes komunitateko gazteen ikasketetara bideratuko da. Eguraldi bikaina izan da nagusi korrika egiteko eta giro aparta egon da.

[Argazkiak: Haurrak | Helduak]

Sailkapena:

Kros solidarioa ospatuko dute igandean241

ASTEASU 2018-12-20

Dagoeneko laugarren ediziora iritsi da Asteasuko Kros solidarioa. Urtarrilean egin izan dute orain arte, Eguberrien atarian egingo dute aurtengoa.