Eneko Lazkozek irabazi du I. Pello Errota sariketako finala. Beñat Lizaso, Unai Gaztelumendi eta Asier Azpirozekin batera iritsi zen Lazkoz finalera. Urriaren 20an, Asteasuko Iturri-ondo elkartean afaldu ondoren hasi zen finaleko saioa. Lizasok eta Lazkozek lortu zuten buruz burukorako sailkatzea eta azkenik, etxarriarrak lortu zuen txapela. Finaleko bertsorik onenari emandako Mikaela Elizegi saria ere Lazkozentzat izan zen.

Argazkiak

648.802,39 euroko kostua du (BEZarik gabe) Asteasuko plaza berritzeak. Bi fasetan burutuko dira egokitze lanak, lehena urte honetan amaituko da

Giro eguzkitsuak lagunduta, jende ugari hurbildu da Asteasuko Azoka berezira. Urtero moduan, postuz postu ibiltzeko aukera eman du hitzorduak, eta baita Asteasuko ganadua ikustekoa ere. Arratsaldean, Juan Tapiaren ikasleek erromeria eskaini dute.

[Argazkiak]

Gaztelumendi, Laskoz, Azpiroz eta Lizaso iritsi dira finalera. Iturri-Ondo jatetxean ospatuko da finala, eta bertso saioa 23:00ak inguruan hasiko da.

Lagun batek erakutsita hasi zen Asteasuko Olatz Albisu, fieltroa lantzen. “Barazkiekin aritzen gara etxean, baina beti izan dut gogoko eskulangintza. Alemaniako lagun bat bisitan etorri zenean, autoan zeraman panpintxo bat erakutsi zidan. Bere txakurraren ilearekin egina zegoela azaldu zidan eta jakinmina piztu zitzaidan”.

2019an beteko da Pello Errota bertsolari asteasuarra hil zeneko mendeurrena. Hori gogoan, ekitaldi ezberdinak antolatu dituzte, tartean, bertso sariketa.