Errefusa biltzeko sistema berria hiru auzuneetan abiatuko dute2

ANDOAIN 2018-01-19

Andoaingo Udalak errefusa biltzeko edukiontzi grisa ezarriko du hurrengo hilabeteetan. Txipduna eta irekiera mugatua izango du, eta hasiera batean froga modura abian jarriko dute Sorabillan, Alejandro Kalongen eta Olagainen.

Auzo bilerak:

Guraso tailerra sortuko dute Andoainen1

ANDOAIN 2018-01-19

Gurasoentzako talde esperientzia sortzea proposatu du Udalak, GIzarte Zerbitzuen Sailaren bitartez. Tailerrak gurasotasun positiboarekin erlazionatutako gaiak lantzea du helburu, guraso eta seme-alaben arteko erlazioetan sakonduz.

Kale Hezitzaileen oharra:

Lasterka itzuli lasterketako antolatzaileen eskertza6

ANDOAIN 2018-01-18

Urte zahar eguneko lasterketa eta gero, antolatzaileek eskertza oharra igorri dute Aiurrira.

[Postontzia]

Frankismoko biktimen arretarako bulegoa, zabalik9

ANDOAIN 2018-01-17

Andoaingo Udalak frankismoak eragindako biktimen arretarako Bulegoa irekiko du datozen asteetan Basteron. 1936-1977ko epealdi historikoan giza eskubideen urraketaren bat jasan zuten pertsonen inguruko informazioa jaso nahi dute bulego horren bitartez.

Naiara Delgado, emozioetatik isurtzen den sormenaren menpe14

ANDOAIN 2018-01-15

Naiara Delgado Perez Andoaingo margolariak 97 artelan jarri ditu ikusgai Basteroko erakusketa gelan. Barru-barrutik irteten zaizkion emozioek inspirazio iturri izaten dituela aitortu zuen ostiral arratsaldean egin zen erakusketaren inaugurazio ekitaldian. Otsailaren 17ra bitarte egongo da irekita.

 

Memoria eta erreparazioa hizpide Basteron13

ANDOAIN 2018-01-15

Andoaingo Udaleko bizikidetza mahaiak antolatuta, “Nola egin aurrera memorian eta erreparazioan?” hizaldia izango da astearte honetan Laura Pego eta Gema Varona adituekin. Iluntzeko 19:00etan hasiko da, eta doakoa da.

Solaskideen soslaia:

Iñaki Martiarena in memoriam18

ANDOAIN 2018-01-14

Andoaingo ekintzaile, kantuzale eta antzerkizale ezaguna, urtarrilaren 7an hil zen gaixotasun luze baten ondorioz. 68 urte zituen, eta bizi izan zen artean aldarte ona erakusten ahalegindu zen.

Pilar Txopeitia, musikaz eta musikariz inguratuta31

ANDOAIN 2018-01-13

Pilar Txopeitiak Alberto Agirre abesbatza utzi berri du, 20 urteren ostean. Musikaren transmisioa agortzen ez den iturria da Abrego Txopeitia familian.

Osasuna-Nastic partida urtarrilaren 18an Iruñean25

ANDOAIN 2018-01-12

Osasuna-Nastic futbol partida jokatuko da urtarrilaren 18an Iruñeako Sadar futbol zelaian, 19:00etan. Nastic taldean jokatuko du Jon Gaztañaga andoaindarrak. Autobusa eta sarrerak 20 euroko prezioa du. Autobusa 17:30etan abiatuko da Txoperatik. Interesatuek telefono honetara deitu behar dute: 609 920 682

Aiurri astekariaren diseinu aldaketa20

ANDOAIN 2018-01-12

Urtea hastearekin batera, Aiurri astekariak diseinua aldatu du. Jon Ander Ubeda zuzendariak aldaketaren gakoak azaldu ditu "Zabalik" atalean:

Aierbeko pasabidea ibilgailuentzat zabalduko dute37

ANDOAIN 2018-01-09

Ur hoditeria aldatzeko lanek irauten duten bitartean, Aierbeko pasabidea ibilgailuentzat irekitzea erabaki du Udalak gaurtik aurrera, eta astean zehar. Astelehenetan irekiko da 7:00etan, eta ostiraletan itxiko da 20:00etan. Asteburuetan ibilgailuentzako itxita egingo da.

Prentsa oharra:

Juan Bautista Erro kalea eta Kale Nagusiaren gaikaldea itxita42

ANDOAIN 2018-01-08

Iragarri bezala, Kale Nagusiko azpiegitura sarea berritzeko lanak abiatu dira. Zehazki, Juan Bautista Erro kalean hasi eta Ondarreta ikastetxeraino doan Kale Nagusiko bide zatian. Azaroan bizilagunei eta oro har herrikideei azalpenak eman zitzaizkien bilera irekian.

[Hemeroteka]

Elurtearen biharamuna Andoainen43

ANDOAIN 2018-01-07

Bost orduz elurra gogotik bota eta gero, bart iluntzean hasita euria etenik gabe egin zuen Andoainen. Eta bustitik ibili arren, elurra ia bere horretan geratu da. Tenperatura baxuen eta botatako elur piloaren seinale da hori. Gaurkoan elurra sufritzea baino gehiago, elurraz gozatzea tokatu da. Izan ere, atzo gidarien artean hainbat estuasun sortu zen. Gaur ez bezala.

[Argazkiak]

Trafiko arazoak Andoaingo Goikoplaza inguruan47

ANDOAIN 2018-01-06

Elurrak ibilgailu ezberdinen arteko istripu arinak eragin ditu La Salle etorbidan eta Kaletxikin. Horrez gain, elurrarekin Leizotz aldetik edota Kale Nagusitik Goikoplaza eta kanposantu aldera igotzea labainkor dago. Arreta handiz ibili beharra dago. Andoaindik gertu, Urnietan, egoera oso bestelakoa da. Herrigunean elurrak ez du horrelako eraginik sortu.

[Argazkiak]

Eguberrietako postal biziduna46

ANDOAIN 2018-01-06

Eguberri amaierako postal ederra ekarri du elurteak, Andoaingo paisaia erabat aldatuz. Trafiko arazo arinak alde batera utzita, azken urteetako elurterik luzeena izan da. Lodi-lodi bota du hainbat ordutan jarraian.