Pentsio duinen alde, astelehenero bezala

ANDOAIN 2019-02-18

Pentsiodunek pentsio duinak eskatu dituzte Goikoplazan, eguzkipean. "Bagara" abestiarekin 1.080ko gutxieneko pentsioa denontzat aldarrikatu dute.

Andoaingo Gudua egin edo ez erabakitzeko bilera deitu du Bazkunak

ANDOAIN 2019-02-17

2017an antzeztu zen azkenekoz, eta hirugarrengoz, Andoaingo gudua herriko kaleetan barrena, arrakasta handiz. Nolanahi ere, ordukoaren balorazioa egiteko garaian antolatzaileek adierazi zuten zail ikusten zutela hurrengorik antolatu ahal izatea, behar beste baliabiderik ez zutelako.

Greba feministaren mezua zabaltzeko sentsibilizazio kanpaina

ANDOAIN 2019-02-16

Andoaingo Juanita Alkain plazatxoan eta Goikoplazan postu bana ipini dute, datorren martxoaren 8ko greba deialdiaren berri emateko. Andoaingo Asanblada feminista eta Euskal Herriko eragile ugari lan eta lan ari dira aste hauetan, grebaren arrakasta ahalik eta handiena izan dadin.

Kaldereroen etorrera prestatzeko entsegua

ANDOAIN 2019-02-17

Andoaingo Kaldereroen antolaketa taldeak datorren asteazkenerako (otsailak 20) entsegua deitu du. 19:00tan izango da Berrozpe ikastetxean. Kaldereroak Ontza elkartetik abiatuko dira hurrengo larunbatean (otailaren 23). Arratsaldeko 17:00tan izango da irteera, eta kanpaldia 18:00ak aldera ipiniko dute Goikoplazan.

Pianon Jaialdiko lehen sari banaketa

ANDOAIN 2019-02-16

Andoaingo 14. Piano Jaialdia martxan da eta baita gaztetxoenen sari banaketak ere. Gaur eguerdian 01, 02, 03, 04, 05, 06 mailako gaztetxoenak saritu dituzte brontzezko, zilarrezko eta urrezko medailekin eta baita aipamen bereziarekin ere.

Hala ere, Sari banaketak hasi baino ez dira egin eta arratsaldean ere sari gehiago banatuko dituzte Bastero Kulturgunean.

[Informazioa] [Argazkiak]

Puska biltzea Buruntza auzunean

ANDOAIN 2019-02-16

Neguko ospakizuna goiz giro ederrean egiten ari dira Axeri dantzako kideak. Aurtengoan, Buruntza auzunean. Irudiak Goiargi etxean aterata daude, Larramendi eta Upategi baserrietatik igaro ondoren.

Bertan behera geratu da ostiraleko tailerra, SUKALDARITZA TAILERRA

MINTZALAGUNA 2019-02-13

OHARRA: Ostiral honetan egitekoa zen tailerra -brotxeta dibertigarriak- bertan behera geratu da, ez delako behar beste jende animatu. Aurrerago antolatzen saiatuko gara, eta horren berri emango dizuegu hemen. Barka eragozpenak