Aizkardiko kideak Abodi mendiraino igo ziren igandean

AMASA-VILLABONA 2019-02-18

Nafarroa aldean antolatu dute otsaileko mendi irteera Aizkardikoek. Hiriberritik abiatuta, Berrendiko gailurretik (1346) eta Abodi menditik (1493m) ibili ziren. Ondoren, Otsagira jaitsi ziren, Muskildatikan pasaz. Eguraldia lagun, giro atseginean ibili ziren egun pasa.

[Argazkiak]
 

9 udal-ordenantza berri onartu ditu Amasa-Villabonako Udalak

AMASA-VILLABONA 2019-02-13

Maite Izagirrek gidatutako gobernu taldeak, lege baten herri mailako baliokidea kontsideratu daitezkeen eta xedapen orokorraren administrazio orokorreko antolamendua bezala ulertzen diren, 9 udal-ordenantza eta araudi onartu ditu legealdi honetan. Aurreko legealdian 7 onartu zituen.

Gonzalez eta Carretero garaile Emakumeen Pala Txapelketan

AMASA-VILLABONA 2019-02-10

Arratsalde osoan zehar ospatu zen atzo Emakumeen III. Pala Txapelketa Azkarra. Guztira 16 pilotarik hartu dute parte, eta irabazleak Amaia Gonzalez eta Laura Carretero izan ziren Aitziber Etxabe eta Edurne Osaren aurka (16-9).

[Argazkiak]

Korrika Batzordea osatzeko deialdia otsailaren 13an, Villabonan

Korrika 2019 2019-02-07

Batzordearen bitartez ondorengo gaiak jorratuko dituzte: Korrika laguntzaileen kanpaina, kilometroen salmenta eta banaketa, Korrika kulturaleko ekintzak antolatzea, Korrika txikia eta apirilaren 13ko egitaraua, besteak beste. Bilera otsailaren 13an ospatuko da udaleko balioanitzeko gelan, 19:00etan.

Sacem zubiko birmoldaketa lanak martxoa amaieran edo apirila hasieran hasiko dira

AMASA-VILLABONA 2019-02-14

Oinezkoen eta trafikoen bidea banatuta egongo da zubiko birmoldaketa lanak egin ostean. Alde bakoitzean Corten altzairuzko egitura erantsiko zaio, eta egungo 5,6 metrotako zabalerari 80 zentrimeto gehituko zaizkio alde banatan. Ibilgailuentzat 3,5 metroko zabalerako galtzada lortuko da, eta oinezkoentzat 2 metrokoa barandarekin, Led argiekin argituta.

EH Bilduren alkategaia den Beatriz Unzue aurkezteko ekitaldia, ostiralean

AMASA-VILLABONA 2019-02-12

Bertan izango da Juan Karlos Izagirre Gipuzkoako Ahaldun Nagusia izateko EH Bilduren hautagaia. Unzuek eta berak solasaldia edukiko dute EH Bilduk dituen egitasmo eta proposamenak azaltzeko. Aljibean izango da, 19:00etan.

Hondakinak biltzeko edukiontzi berriak ipintzen hasi dira

AMASA-VILLABONA 2019-02-08

Papera eta kartoiaren (urdina), plastikoaren (horia) eta errefusaren (grisa) edukiontzi berriak ari da ipintzen udala, Tolosaldeko Mankomunitatearekin elkarlanean. Edukiontzi marroia eta grisa pedal sistemarekin irekiko dira, "Kolorez kolore" sentsibilizazio kanpainan jasotako herritarren iritziak kontutan hartuta.

Bideoak
  • Santa Ageda Villabonan Eresargi abesbatzarekin

  • Olentzero eta Mari Domingi Villabonan

  • Errege kabalgata Amasa Villabonan